بسبب الطيار الموقوف.. علياء عساف لمحمد رمضان: "راجع نفسك عشان مش دايمة لحد"

13-02-2020 كتب : المحرر

وجهت الفنانة علياء عساف، انتقادا لاذعا للفنان محمد رمضان، بعد أزمة الطيار الموقوف عن العمل أشرف أبو اليسر، والذي تم وقفه عن العمل وسحب رخصة طيرانه مدى الحياة، بعد نشر رمضان مقطع فيديو على السوشيال ميديا داخل كابينة الطائرة.

وقالت "عساف"، والتي شاركت في مسلسل "ابن حلال"، في تدوينه لها على صفحتها الشخصية بموقع "إنستجرام": "اشتغلت مع محمد رمضان بس متقابلناش غير في مشهد واحد، كنت بسمع إنه شخصية لطيفة ومحترمة وكان أي حد بينتقده كنت بقول لأ ده كويس وبدافع عنه وبقول فرحان بنجاحه، بس اللي بيحصل ده عيب قوي".

وأضافت: "بدل ما تقف جنب الراجل اللي كنت السبب في قطع عيشه تتريق عليه، عيب لما بدل ما تساعده تطلعه كداب وإنه بيستغلك، ولو حتى افترضنا إنه طلب منك الفلوس دي كلها وأنا شبه متأكدة إن ده ماحصلش، كنت حل الموضوع بطريقة أشيك من كده".

وتابعت: "لكن تتريق على راجل محترم وعنده تاريخ زي ده بالمنظر ده والراجل مغلطش فيك في ولا كلمة ده اللي عيب، اللي نمبر وان مش بيبقى مؤذي ومش بيبقى السبب في قطع عيش حد".

وواصلت: "نمبر وان ده بيحس بالناس وبيراعي شعورهم ووجعهم بيحس بالناس اللي مش لاقية تاكل مش بيتمنظر عليهم بالعربيات والطيارات وإنه عنده فلوس، كفاية منظرة وراجع نفسك عشان مش دايمة لحد.. الراجل ده غلط بس عقابه كان قاسي قوي والسبب هو منظرتك، كلنا بنتصور وبنجيب حاجات وبنسافر وبنعمل اللي يفرحنا بس مش بنعمل كده".

وأردفت: "كل يوم في شباب بتموت ولو جه معادنا مش هناخد حاجة معانا، افتكر الكلام ده كويس أنا آسفة لو كلامي سخيف بس ماقدرتش أمسك نفسي بصراحة".





إقرأ أيضا

تعليقات الخبر

لا توجد تعليقات لهذا الخبر

أضف تعليقك

لن يتم نشر عنوان بريدك الإلكتروني