ادب

الحلقة الثانية من ” بارا يوتوبيا “

المكان قاعة اجتماعات فى مدينة البارايوتوبيا  حيث يوجد الفوقيون  و خلال هذا الاجتماع كان يدور الحوار التالى :  رقــم (1)     : انا جمعتكم النهارده عشان اؤكد عليكم انكم تكونوا حريصين و اطالبكم بعدم  الاحتكاك او الاقتراب من الصفوة الا فى حدود الاشخاص المسموح لهم بالاتصال بنا و الدخول الى  الـ “بارايوتوبيا” و ان تكون اللقاءت فى الاماكن   المخصصة لذلك و بعيد عن باقى الفوقيون.

  رقـــم (10) : سيدى الحاكم كلنا يعلم مدى الجهد و التعب و المشقة و المجهودات المضنية التى قمتم   بها لارساء قواعد الحكم فى العالم الجديد على كوكب الارض و ما  عندناش اى استعداد لتقديم اى تنازلات او التعرض لاى خسائر لاى سبب  كان او  بسبب اى مخلوق  كائن من كان .

نجدد لك البيعة ونقسم لك بالولاء و نؤكد لفخامتكم حرصنا على الابقاء على عالمنا الجديد و الحفاظ على مكتسباتنا التى حققناها طيلة القرون الماضية .

رقــم (5)  :  سيدى الحاكم ، كلنا يعلم انه لا مكان لأى من الصفوة او العامة بيننا فى “بارايوتوبيا”        و نشدد على الحفاظ على اسرار عالمنا الجديد و خاصة ما فعلناه  باجداد الصفوة و اجداد العامة فى قديم الازل و الذى لو حدث و عرفوه فسوف يصبح عالمنا الجديد مهددا بالفناء و المصلحة العامة توجب علينا استخدام  الصفوة و العامة افضل استخدام و احسن استغلال بمنتهى الحرص و من بعيد  قدر الامكان .

رقــم (1)  : تمام تمام اشكركم اشكركم و ارجو ان يقوم الجميع بواجباته على اكمل وجه و لا تنسوا الصيانة الدورية حتى لا يصيبكم اى مكروه و حتى نضمن البقاء و القدرة على مواصلة الحياة و ارجو من علمائنا الكبار دوام البحث عن افكار جديدة وتقنيات حديثة تزيد من قدراتنا الآلية و رفع نسبة الآلية الى   75% و كفانا اننا عشنا فترات طويلة بقدرات نصف آدمية و نصف آلية .

رقــم (5)     : سيدى الحاكم لغاية امتى هانفضل محتفظين بالادميين على الكوكب ما جاش  الوقت المناسب لسه للتخلص منهم الى الابد .. انا شايف انهم مالهومش لازمة و كفاية علينا الصفوة عشان تتولى شئون حياتنا .

رقــم (1)     : بالطبع سوف يتم التخلص من البشر و لكن على مراحل بعد ما نحول وظايفهم  الى الصفوة  يعنى بسرية تامة كل ادمى يخرج من الخدمة سواء بالموت او  التقاعد يحل محله واحد من الصفوة و بعدين ماتنساش ان البشر هم الجنس  الوحيد اللى بيقبل اى وظائف متدنية او خدمات مهينة و لا يقبل الصفوة عملها يعنى لحد دلوقتى احنا لسه محتاجين لادميين على كوكبنا و اؤكد لك انى اول الحريصين على التخلص من هؤلاء الغوغاء وتطهير الكوكب.

رقـــم (10)  : سيدى الحاكم هل من اوامر جديدة لنا و لا فخامتكم تسمح لنا بالعودة الى مقراتنا لمواصلة مهامنا

.رقــم  (1)   : اشكركم اشكركم و اذكركم ان سر بقائنا على الكوكب و استمرار الحياة عليه يكمن فى سرية تكويننا و سرية حياتنا و تفوقنا على الآخرين .. اشوفكم بخير و قام بعد ذلك افراد الخدمة فى القاعة من الروبوتات باغلاق كل الاجهزة و تنظيف القاعة استعدادا لاجتماعات اخرى قادمة

                                            *******************

عودة الى  كامبواندات الصفوة و فى منزل احدهم يدور هذا الحديث :

رقم (5005) : حبيبتى انتى كنتى فى المصحة النهاردة ليه؟

رقم (5100) : انا كنت بعيد برمجة الشريحة المزروعة فى جسمى لانى حسيت بتعب شوية الفترة اللى فاتت وكنت بنسى شوية حاجات.

رقم (5005) : يعنى بقيتى أحسن دلوقتى؟

رقم (5100) : طبعا بقيت أحسن وكويس ان الشريحة المزروعة فى اجسامنا مختلفة تماما عن الشريحة المزروعة فى أجسام وعقول العامة  العاديين والا كنا هنشوف مشاكل كتير.

رقم (5005) : وطى صوتك شوية لحد يسمعك ويبلغوا الفوقيين وتوقعينا فى مشاكل كبيرة.

رقم (5100) : متقلقش أنا عاملة حسابى كويس ومبتكلمش فى الحكاية دي ابدا مع اى حد من العامة و لا مع الصفوة  ولا اجرؤ على الكلام فى الموضوع ده قدامهم لانهم لو عرفوا انهم مزروع لهم شريحة و يتم برمجتها و التحكم فيها من الفوقيين هيعملوا مشاكل كبيرة احنا مش قدها، عموما انسى اللى قولتهولك وامسحوا من ذاكرتك خالص وكاننا مقولناهوش خالص عشان لو اتحطيت تحت اى جهاز كشف الكذب ميظهرش فى ذاكرتك الكلام اللى قولناه من شوية.

رقم (5005) : ماشى همسح المحادثة كلها وكانها لم تكن متخافيش.

  ******************************

المكان فى احد  كاميونات البشرالعاديون ORDAINARIES  و الذى تم وصفه من قبل  حيث يدور الحديث التالى :

مليون وخمسمائة : أهلا مليون وعشرين كويس انك جيت دلوقتى، جدى موجود بالداخل ممكن نتكلم      معاه شوية.

مليون وعشرين  : عظيم ده انا محظوظ جدا كان نفسى اقابله من زمان.

الجد (نادر)        : اهلا حفيدى العزيز (حسن)، على فكرة انا بحب اناديك باسم حسن لان كان ليا صديق عزيز زمان أسمه حسن كان يشبهك.

مليون وعشرين : اهلا بيك يا جدى اتشرفت بمقابلتك، كان نفسى من زمان اشوف حضرتك.

الجد (نادر)      : ممكن تنادينى بنادر لو حبيت، وممكن أناديك بــ (جمال ) عشان  كنت بحب شخصية عظيمة زمان كان اسمه جمال  وانت فيك شبه منه  وكمان لان كلمة جمال هى من القيم  الانسانية اللى كانت موجودة زمان و بتحكم كل سلوكيات البشر ولانى دايما أحن للقديم وأكره الجديد بكل اشكاله وانواعه، رغم ان الجديد هو سبب بقائى حتى الان.

مليون وعشرين : ليا الشرف.

الجد (نادر)      : انت زميل حسن  فى الشغل؟

مليون وعشرين : لأ انا بشتغل فى ادارة الماية وبالتحديد فى ادراة تحلية مياة البحر. زى ما حضرتك عارف ان الحروب فى الـ100 سنة اللى فاتت جففت معظم انهار  الأرض واللى مجفش اتلوث، لكن ماية البحر لسه نضيفة لعاية دلوقتى وممكن استخدامها وتحليتها. و كمان انا لى بحث عن استخراج الميه من اكسجين الهواء  مباشرة و قدرت انتج ميه بالفعل لكن لسه البحث ما اتطبقش صناعيا او فى مجال اوسع.

الجد (نادر) : انا سمعت ان الفوقيين استغنوا خالص عن شرب المية وعندهم دلوقتى تقنيات تغنيهم عن    شرب المية، الكلام ده صحيح؟

  مليون وعشرين : الحقيقة معنديش علم بالكلام ده وزى ما حضرتك عارف هما فارضيين على نفسهم      عزلة تامة وحتى احنا منعرفش اشكالهم ايه او بيلبسوا ايه او  بياكلوا ايه او بيشربوا ايه، والكلام ده يعتبر من الاسرار العليا اللى مش  لازم نسأل عنها أو نعرفها عشان مانحطش نفسنا فى مشاكل.

الجد (نادر) : مفهوم مفهوم من زمان وهما قافلين على نفسهم كويس ومتعرفش هما خايفين مننا ولا     خايفين علينا، عموما مع مرور الزمن ممكن نعرف حاجات ماكانتش معروفة، على ايامنا زمان كانوا بيقولوا ” يا خبر بفلوس بكرة يبقى ببلاش”

الحفيد (حسن): يعنى ايه يا جدو؟

الجد (نادر)   : ماتخدش فى بالك، مش هاتفهم مهما حاولت اشرحلك.

(جمال): ممكن يا جدو تكلمنى عن زمان وعيشة زمان وتاريخ زمان؟

الجد (نادر)   : اكثر حاجة اثرت على كوكبنا ..زمان أوى ظهر فى الأرض فيروس قاتل اسمه (Zerona) قضى على ملايين   البشر بسبب تأخر الدول فى الوقت ده فى اكتشاف مصل أو دوا ، ولكن بعض الدول    قدرت تعمل المصل ومنحته لبعض كبار الشخصيات والصفوة فى العالم  للابقاء على حياتهم دون الاخرين    ( وتوقف الجد)

(جمال وحسن معا) سألوا الجد: وبعدين يا جدو كمل ايه اللى حصل؟

الجد (نادر)  : انتشار القيرس القاتل ده ادى لانهيار الدول واقتصادياتها  وقامت بعض الدول بحماية كيانات   كبيرة بعينها ودعمتها للابقاء عليها وحمايتها من الانهيار  والكيانات الكبيرة دى خدت فى سكتها كل الكيانات الصغيرة والمتوسطة  و اصبح الاقتصاد العالمى او اقتصاد الكوكب كله فى ايد قلة قليلة فى العالم  تتحكم فيه وفى مصير البشر كلهم. واستطرد قائلا :  معلش يا ولادى الوقت اتأخر وانا لازم استريح شوية.

(جمال وحسن معا) : شكرا ليك يا جدى على الامسية الجميلة، وياريت نقدر نقعد مع  حضرتك مرة تانية.

الجد (نادر) : مع السلامة.يترك حسن وجمال المكان مترجلين امام منزل حسن بعد مغادرة الجد ويهمس حسن الى جمال: الكلام ده مهم جدا وممكن يوضحلنا اسباب كل اللى حصل فى العالم واللى بيحصل دلوقتى كمان.

(حسن) : خلى بالك عشان الكلام ده محدش من الصفوة يسمعه وينقله للفوقيين، لانهم ممكن يأذوا جدى أو يأذونا احنا كمان.

(جمال) : متقلقش، هشوفك بعدين. سلام و لكن يتوقفا عندما يلمح حسن وجمال دورون (Doron) خاص بشرطة الصفوة يقترب منهما ويهبط أمامهما ويسألهما

الشرطى يسأل حسن : ممكن اشوف هويتك؟ فيخرج حسن هويته ويطلب من جمال اظهار هويته        ايضا فيأخذها الشرطى ويسألهما: كونتوا بتعملوا ايه جوه مع المعمر  ده اللى  نصفه ادمى ونصفه  آلى؟

حسن : المعمر يبقى جدى و جمال صديقى و جدى كان فى زيارة لنا بالصدفة يطمن علينا.

الشرطى : واتكلمتوا معاه فى ايه؟

حسن   : اتكلمنا عن  مشكلة المية وتحليتها واحدث انواع الدورونات وعن حياتنا اليومية العادية على الكوكب.

الشرطى :  يعيد اليهما هويتهما قائلا .. طب اتفضلوا ومتخالفوش التعليمات، ممنوع التجمهر أو لقاء اكتر من 5 اشخاص  فى مكان واحد. وطبعا انتوا عارفين الموضوعات المحظور الكلام فيها.

 **الى لقاء مع الحلقة الثالثة بأذن الله**

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق