ادب

الحلقة الاخيرة من قصة ” بارا يوتوبيا “

محمد الطواب

الحلقة الخامسة و الاخيرة

المكان امام بيت الجد و اثناء محاولة السيدة مليون و مائتين و خمسين الف  دخول البيت باغواء الحارس و اغراءة و ايهامه بالفوز بها داخل المنزل بعد ان تنضف المكان كما كانت تدعى

ويدخل الحارس الذى كان يمنى نفسه بصيد ثمين ولكنه يفاجأ بجسم صلب يهوى على رأسه يفقده الوعى لمدة تزيد على نصف الساعة و فى خلال هذا الوقت تكون السيدة بعد او وجدت ما كانت تبحث عنه قد خرجت من المنزل مسرعة الى منزل حسن القريب جدا من منزل الجد و تسلم اللفافة الى حسن و جمال و تعود مسرعة مرة اخرى الى بيت الجد و تلقى بجسدها على الارض بجوار الحارس بعد ان تحدث بنفسها ما يشبه الاصابات و تظل هى كذلك الى ان يستفيق الحارس ليجدها ممدة الى جواره على الارض فى غيبوبة تامة  ، فيناديها بصوت خافت و يحاول افاقتها ، فتتصنع الافاقة بصعوبة و تتألم و تتحسس رأسها ووجهها و اماكن اخرى فى جسدها  و تتسائل  و هى تتحدث بصعوبة و ثقل فى اللسان  :

فيه ايه ؟ ايه اللى حصل  ده ؟ من اللى عمل فينا كده ؟!  و تتحس رأسها : اه يا دماغى …

و لم يجد الحارث اية اجابات لاسئلتها المتلاحقة سوى انه يطلب منها سرعة مغادرة المكان حتى لا يأتى زميله الذى سوف يتولى الحراسة بعده و حتى لا يكتشف امره و بأنه خالف التعليمات و سمح لها بالدخول . تقف السيدة و تشكر الحارس        و تطبع قبله على جبينه و تتحس مكان اصابته فى رأسه و تنصحه بأن يخبر زميله انه شعر فجأة و لثوان معدودة بدوار وسقط مغشيا عليه اثناء الخدمة فحدثت به هذه الاصابة فى رأسه و تعد الحارس  بمقابلة اخرى حتى فى اقرب فرصة و فى  مكان اخر عندما تسمح لهما الظروف .

*********************

المكان سجن الصفوة حيث يحتجز الجد نادر و حارس السجن يفتح الباب ليدخل احدهم

الحارس    : تفضل يا فندم الجد صاحى لسه ، الحارس مخاطبا الجد : قوم ياراجل كلم السيد المحترم من شرطة الصفوة الجــد        : خـيـر … نعم … فيه ايه ؟!!

السيد من الشرطة :   ابدا باطمن عليك و على صحتك ، انت عارف انت قد ايه مهم عندنا لكن بحدود  زى ما انت عارف ، يعنى ممكن فى اى وقت تفقد اهميتك عندنا وانت عارف امتى ده يحصل ،  ولو حصل دى تبقى نهايتك اللى طولت قوى قوى الجــد        : و انت كمان عارف و لا يفرق الكلام ده معايا خالص ، يمكن تفرق معاكم انتم بس انا لأ ، انا عشت حياة طويلة جدا ما عاشهاش بنى ادم تانى خالص و ده مش عشان سواد عيونى .. لكن عشان اهميتى بالنسبة لك و للى مشغلينك .   اولا انا مهم عشان الاسرار اللى ماحدش يعرفها غيرى و اللى  انت كمان ما  تعرفهاش و ثانيا عشان انا النموزج الحى لتجربتكم فى خلق انسان نصف ادمى و نصف آلى واللى انتوا و اللى مشغلينكم عايزين تعمموها على كل سكان الكوكب من البشر تحولوهم بنسب متدرجة من الادميين الى الاليين الاول 50% و بعدين 75% و بعدين   100%  و تقضوا على الجنس البشرى عشان تتحكموا فيهم لخدمتكم وخدمة  اسيادكم فى الـ بارايوتوبيا

السيد من الشرطة : مشكلتك انك بتتكلم كتير و لو بايدى انا كنت انهيت حياتك فورا لكن للاسف القرار مش قرارى

الجــد              : شرفت و ياريت تاخد الباب فى ايديك

*********

حسن و  جمال و لكن هذه المرة فى بيت جمال الذى يتطابق فى الشبه و بيت حسن حتى فى لون الحوائط و يظهران وهما فى قمة الانهماك فى فتح اللفافة التى جلبتها السيد ابنة خالة   حسن من منزل الجد و كانت المفاجأة ، فقد وجدا هارد ديسك او ذاكرة حاسب الى قديم مكتوب عليه بالانجليزية Diary او يوميات او مذكرات يومية و مدون عليه 2025 و بدءا القراءة و هما فى منتهى الدهشة و الذهول لما وجداه فى هذه المذكرات التى جاء فيها ما يلى  :

“منذ اكثر من4 سنوات ظهر فيروس قاتل اسمه ZERONA  تم انتاجه فى معامل احدى القوى الكبرى فى اطار سباق التسلح البيولوجى و حصد ارواح الملايين فى كل انحاء العالم وخرج الفيروس عن السيطرة و دارت بعض الحروب البيولوجية هنا و هناك استخدم فيها هذا الفيروس لتدمير اقتصادات كبرى فى العالم  الى جانب انواع اخرى شديدة الفتك من الاسلحة البيولوجية التى كانت موجهة الى جينات بعض الاجناس و الاعراق بعينها دون الاجناس الاخرى و كانت تسمى ( بالقنبلة الجينية ) و اصاب العالم الكثير من الدمار و الخراب و الفوضى نتيجة استخدام الاسلحة الاخرى التقليدية و اسلحة الدمار الشامل و بعد صراع طويل بين القوى الكبرى قرروا فجأة ان يتقاسموا حكم العالم او يحكموا العالم الجديد سويا و الكف عن الصراعات و العمل على بناء عالم جديد له حاكم واحد و قوانين واحدة و بدون حدود و بدون جواجز جمركيه و بدون عملات متعددة و ابتكروا عملات اليكترونية  بعد الغاء العملات الورقية و المعدنية و كل اشكال التعامل النقدى التى كانت معروفة قبل ارساء قواعد العالم الجديد و بالفعل شاهدنا نحن بالفعل ظهور عملات اليكترونية و يتم تداولها الان على نطاق واسع و اشهرهم حتى الان  عملة  البيتكوين  (Bitcoin)و عملات اخرى اقل شهرة و منها  الإيثريوم (Ethereum)  و الريبل (Ripple) و غيرهم.

 وفى اطار هذه الخطة اطلقت قوى الشر موجة جديدة من فيروس ZERONA  شديدة الفتك و نشروا الفزع   حول العالم و القوا الرعب فى قلوب الجميع بعد ان اصبحوا يسجلون كل حالات الوفاة اليومية ، اى وفاة بامراض القلب مثلا او غيرها او  حتى و ان كانت حوادث مرور على انها وفاة نتيجة  اصابة بالفيروس و ذلك لتضخيم و تعظيم اعداد الوفيات اليومية  و لنشر الرعب و الفزع فى نفوس البشر فى كل انحاء العالم  و اشاعوا بداية ان الفيروس اللعين ليس له علاج و ليس له مصل او لقاح يقى الناس شره و خطره الفتاك و جعلوا العالم كله يتنظر و يتلهف و يتابع  اخبار التجارب المعملية على الفيروس املين فى الوصول الى لقاح او مصل للوقاية من الاصابة بالفيروس اللعين  او علاج لمن يصيبه المرض بالفعل  و تأكد الناس فى كل انحاء العالم ان الاصابة و الموت قادمين لا محالة و ا صبحت الناس على استعداد لدفع كل اموالهم للحصول على اى بصيص من امل فى اللقاح او العلاج او النجاة من هذا الوباء اللعين واصبح يقينا انه ليس هناك من امل الا اختراع او ابتكار مصل واقى او لقاح ضد هذا الوباء ، و بعد وقت ليس بالطويل تم الاعلان عن اكتشاف مصل مضاد لهذا الفيروس و فيه النجاة و لابد ان يحقن به كل البشر اجباريا ، حتى انهم استنوا قانونا اذا رفض احدهم هذا المصل يتم قتله او نفيه خارج الكوكب لانه يصبح خطرا على مستقبل الكوكب و تقوم السلطات بالتعاون مع اكبر منظمة معنية بالصحة على الكوكب باقناع الناس بضرورة الحقن بالمصل و تم حقن البشر جميعا على مستوى كوكب الارض بالمصل و فى نفس الوقت و اثناء عملية الحقن بالمصل المزعوم  يتم زرع شريحة اليكترونية دقيقة جدا            ( نانوتشيب) ا فى حجم رأس الدبوس تحت الجلد يتم برمجتها على البعد بحيث يقوم الشخص الذى تم زرع الشريحة له باتباع و تنفيذ كل الاوامر و النواهى الى ترسل الى هذه الشريحة من مكان ما على سطح الكوكب و تكون هذه اول خطوه فى تاريخ التحكم فى البشر و مصائرهم من قبل قوة خفية فى مكان ما على الكوكب او من العالم الجديد . و هذه الشريحة التى تم زراعتها فى جسم الانسان بحجة التطعيم بالمصل او اللقاح المزعوم هى شريحة متناهية الصغر بها ذاكرة يتم عليها تخزين بيانات حاملها كاملة بداية من الاسم او الرقم التعريفى – فصيلة الدم – جواز السفر – كارد الفيزا و ربما يكون لها استخدامات اخرى مستقبلية ، و السر الاعظم و الاخطر ان هذه الشريحة يمكن من خلالها التحكم فى العمليات الحيوية فى جسم الانسان و يمكن لاى شخص فى مركز التحكم ان يوقف قلب او عقل اى انسان عن طريق هذه الشريحة اى يمكنهم القضاء او قتل اى شخص فى اى وقت و اى مكان و الذى يستطيع ايقاف عقل او قلب الانسان  يستطيع ان يأمره بالحب و الكره و يستطيع ايضا ان يحركه كيفما يشاء و يجعله مسلوب الارادة فى اى وقت” . 

الى هنا انتهت الوثيقة اللغز التى كان يخفيها الجد و يخفى معها سر الكوكب ، هذه الوثيقة التى فسرت الكثير و الكثير من الاسرار عن الكوكب و سكانه وسره الاعظم و كيف ان كلهم مسيرون و مسلوبى الارادة و حتى اعمارهم مرهونة بضغطة زر من احدهم فى الـ بارايوتوبيا او ربما من داخل كامباوندات الصفوة.ووجدا ايضا بين الاوراق تحليل لما حدث وما سوف يحدث كتبه الجد منذ فترة و قد جاء فيها :

بإختصار كانت الاهداف الحقيقية  من نشر هذا الفيروس القاتل فى العالم كالاتى  :
١–  إحداث إنهيار اقتصادي عالمي غير مسبوق للبدء بالتعامل بعملة رقمية واحدة في العالم كله وإلغاء النقد الكاش وبالتالي التحكم في مَن يعارضهم من البشر. فاذا كنا ندفع حالياً بالكارد وحين تتعطل الماكينة فإننا ندفع نقدا او كاش ولكن ماذا نفعل عند إلغاء التعامل النقدى او  الكاش و اختفائه ؟  ساعتها يمكن بسهولة لهؤلاء إيقاف الكارد الخاص باى متمرد على النظام العالمي الجديد أو حتى يمكن تصفير حسابه و الاستيلاء عليه بضغطة زر.
٢– تحقيق إنهيار اقتصادي عالمي وإفلاس كل المشروعات الصغيرة والمتوسطة والعائلية واعتماد أكبر عدد من الناس على مبلغ الاعاشة التي سوف تصرفها حكومة العالم الواحد و الكوكب الواحد والتي بالطبع يمكن منعها عن اى متمرد واسرته فى المراحل الاولى للمشروع اى قبل التحكم الالى فى البشر الى ان يتم التحكم فيهم آليا بالكامل .
٣– تركيز الاقتصاد في يد عدد قليل من الشركات العملاقة والعالمية والتي هي شركات تابعة للمجموعة التى تخطط لحكم العالم او الكوكب .

ملحوظة :  ( لازال الصديقان حسن و جمال يقرآن ما جاء فى اوراق الجد و التى يخشى الفوقيون من ان يراها او يعرف محتواها اى من البشر على الكوكب و يعرفون حجم المؤامرة )

٤– طرح لقاحا او تطعيما ظاهرياً ضد ZERONA  و هو ليس للوقاية او للعلاج و لكن لزيادة إضعاف جهازالمناعة لزيادة الاصابات  و لزيادة عدد الوفيات و لتقليل عدد البشر بالتدريج إلى ٥٠٠ مليون ادمى فقط  كما كتبوا فى الواحهم القديمة من امد بعيد   و سيتولى إدارة كل شيء  فى الكوكب الذكاء الاصطناعي بحلول ٢٠٣٠ او ٢٠٥٠ على الاكثر وهى عبارة عن ربوتات عاقلة أذكى من الإنسان ومطورة جدا و سوف يسن قانون خاص لهذه الآلات  مثل البشر ويتم عقابهم إذا قاموا بخرق هذه القوانين.

و يتم تمويل هذا المشروع من قبل الشركات الكبيرة المشهورة بتقديم التكنولوجيا للبشر و التى تقوم بحصد اموالهم فى شكل برمجيات و فيروسات و مضادات للفيروسات و بعد فرض النمط الاستهلاكى البشع  فى حياة الناس من خلال الاعلانات المبهرة و الملحة ليل نهار من خلال جميع وسائل الاعلام المرئى و المسموع ووسائل التواصل الاجتماعى الى درجة انه اذا فكرت انت و جال بخاطرك ان تقوم  بشراء سلعة ما فسرعان ما ترى اعلانها بكل تفاصيله امام عينيك و كأنهم توصلوا الى قراءة افكارك او التجسس على افكارك بوسيلة او باخرى و بذلك يتاح لهم سرقة اموالك اول باول لتمويل هذا المشروع الشيطانى .

و هذه الشريحة التى تم زراعتها فى جسم الانسان بحجة التطعيم بالمصل او اللقاح المزعوم هى شريحة متناهية الصغر(نانو تشيب)  بها ذاكرة يتم عليها تخزين بيانات حاملها كاملة بداية من الاسم او الرقم التعريفى – فصيلة الدم – جواز السفر – كارد الفيزا و ربما يكون لها استخدامات اخرى مستقبلية .

و هوجة او هجمة رقمنة كافة الانشطة المجتمعية او كما يطلقون عليها الحكومات الاليكترونية الذكية التى تتبناها الدول الان فى مجالات  (المال- التعليم- الإقتصاد- الصحة) بحجة  التطوير و التقدم التكنولوجى و التسهيل و التيسير على المواطن ماهى الا خطوة فى المساعدة على استكمال هذا المشروع الشيطانى ‏ليصبح هناك رقم هوية موحد عالمي لكل شخص..  و يقال انه بالفعل قد اصدرت امريكا قانون الرعاية الصحية 3500 HR  والذي يجبر كل امريكي يريد التمتع بالتأمين الصحي وضع شريحة مماثلة  في جسده  تحمل كل تاريخه المرضى ويوجد اكثر من 10 مليون شخص قد تم وضعها بهم …

و اما السر الاعظم و الاخطر ان هذه الشريحة انها عبارة عن هوائي للارسال والاستقبال وذاكرة يخزن فيها كل بيانات الشخص وبيانات اسرته و يمكن من خلالها التحكم فى العمليات الحيوية فى جسم الانسان و يتم بث بعض البرامج المعقدة الى هذه الشريحة و تعمل هذه البرامج التي على قراءة موجات او ( ELF) Extremely Low Frequency )  وهي الموجات الكهرومغناطيسية  المنخفضة التردد و التي يرسلها المخ إلى جميع اعضاء الجسد لتعمل وتنفذ اوامر المخ .. لذا الشريحة تقوم بتحليل وظائف الجسد بالكامل وترسلها إلى الكمبيوتر المركزى فى مركز التحكم و بالتالى يمكن ان تعطيه اوامر او نواهى و كأنها صادرة من مخ الانسان التى زرعت فيه الشريحة اى التحكم الكامل فى ارادته ، و يمكن لاى شخص فى مركز التحكم ان يوقف قلب او عقل اى انسان عن طريق هذه الشريحة اى يمكنهم القضاء او قتل اى انسان فى اى وقت و فى اى مكان .و الى هنا انتهى تعليق و تحليل الجد للاحداث الانية وقت كتابتها او المستقبلية حيث تدور احداث هذه القصة . ولازال حسن و صديقة مذهولين من هول ما قرآه فى هذه الوثيقة و ظلا صامتين

الى ان نطق حسن فجأة : ياه كل ده و احنا مش عارفين اى حاجة .. الموضوع كده فى منتهى الخطورة خاصة اذا عرف بقية الناس فى الكوكب اللى حصل لاجدادهم من الفوقيين بحجة التطعيم ضد الفيروس القاتل .. انا  دلوقتى بس عرفت ليه الصفوة بياخدوا كل مواليدنا الجداد عندهم لمدة اسبوع بحجة الرعاية الصحية و التطعيمات … اكيد فى الوقت ده الصفوة بيزرعوا لهم الشرائح اللعينة دى .جمال     : المسألة كده بقت فى منتهى الخطورة و الصعوبة …  المسئولية علينا كده كبيرة قوى ، ياترى ايه اللى ممكن نعمله دلوقت يا حسن .حسن     : اولا نبعت للصفوة او للفوقيين عن طريق الصفوة و نفهمهم ان احنا كشفنا السر       و انهم لو ما افرجوش عن الجد فى خلال 7 ساعات من وصول الرسالة ليهم ها نبلغ كل البشر على الكوكب عن المؤامرة اللى عملوها ضد البشرية و حكاية الشرائح اللعينة دى و التحكم في حياتهم و فى موتهم جمال  :  بس كده يمكن يرفضوا و يقتلوا الجد و يأذوونا و يأذوا كل البشر على الكوكب                                            حسن  : احنا لازم ناخد احتياطاتنا كويس يعنى نقول لهم مثلا اذا حصل لجدى او لينا اى مكروه فيه نسخة تانية من الوثيقة السرية موجوده مع ناس تانية على الكوكب و عندهم  تعليمات بفتح الوثائق و قراءتها و ابلاغها لكل سكان الكوكب اذا خصل لنا او للجد اى مكروه.

جمال : تفتكر هايقتنعوا ؟حسن : اعتقد ان ده اللى هايحصل

 *****************

  قاعة الاجتماعات فى  البارايوتوبيا

رقـم (1) : ده اللى كنت خايف منه عيال صغيرين ذى دول يوصلوا الى سر الاسرار و ممكن يقلبوا علينا سكان الكوكب .. يعنى مستقبلنا و مستقبل الكوكب مهدد بسبب فشلكم و اهمالكم .. يلتفت يسارا و يوجه كلامه الى احدهم : يارقـم (5) اعتقلوا فورا رئيس شرطة الصفوة و اسجنوه عندنا هنا و اقيلوا كل مساعديه و عينوا غيرهم من الكفاءات المعروفين  .اما بالنسبة للولدين دول خليهم تحت عينيك انت شخصيا و افرجوا عن العجوز لتهدئة الموقف لغاية ما نشوف هانعمل ايه … على الاقل نضمن سكوتهم لفترة نكون استعدينا فيها .

****************

منزل حسن الذى يرحب بجده : اهلا اهلا يا جدو نورتنا و كنت واحشنا جدا

الجـد   : قولى انتوا عملتوا ايه عشان الفوقيين يفرجوا عنى بسرعة كده ؟ الصفوة و الفوقيين مرعوبين منكم و خايفين خالص .. انتوا عملتم ايه بالظبط ؟

حسن  : احنا كشفنا السر الاعظم وهددناهم اذا ما افرجوش عن حضرتك هانفضحهم قدام كل سكان الكوكب

الجــد  :كده يبقى المشاكل الحقيقة ابتديت مش انتهت و احنا كلنا اصبحنا فى خطر كبير ومش هايسكوتوا خالص الا اذا ضمنوا سكوتنا و للابد و بأى وسيلة .يدخل جمال من الباب محييا حسن و جده و يتصافح الجميع جمال  : ايه اخر اخبار حربنا مع الكبار

حسن : اكيد شوفت الجيش المرابط حوالين البيت و طبعا شوفت الدورونات اللى بتلف ليل    و نهار فوق البيت .

جمال : طبعا واضح انهم بيدبروا لنا حاجة و احنا كمان لازم نكون جاهزين لاى شىء ممكن يحصل .

الجـد : انا اعرف انكم مهندسين شطار و ممكن حد منكم يقدر يعيد برمجة الشرائح المزروعة فى اجسامكم او يقدر يعطلها او حتى يوقف عملها .

حسن و جمال معا : يا جدو احنا مش متخصصين اليكترونات ، لكن هانحاول يمكن نوصل لحل قبل ما هما يوصلوا و يقدروا يعيدوا التحكم فى الشرائح المزروعة فى اجسام سكان الكوكب و ساعتها اول حاجة هايعملوها انهم يوجهوا التعليمات لعقولنا بالسكوت و نسيان الامر كله وعدم افشاء سرهم الاعظم او انهم يوقفوا قلوبنا او عقولنا يعنى يقضوا علينا او يقتلونا الجـد : يعنى انتم دلوقتى فى حرب مع الوقت و مع عقول شيطانية .. يعنى اللى هايوصل للحل اولا هو اللى هايتنصر اما هما  و يبقى لهم الغلبة و يتحكموا فى مصير الكوكب و سكانه و ياما انتم وده اللى بتمناه و بالتالى تحرير سكان الكوكب من العبودية و انقاذ البشر من الدمار.واذا كانت الغلبة لهم ها يصلحوا هوائيات التحكم فى البشرو تقوم قوى الشر بقتلكم اليكترونيا و يبقى على سكان الكوكب و على الجنس البشرى السلام .

الجد يواصل كلامه : بالنسبة لى انا فانا لسه قادر على البقاء و المقاومة الى اقصى درجة ممكنه لانى الوحيد على سطح الكوكب اللى مركبش الشريحة اللعينة زيكم و قدرت انى اطور نظامى بحيث ما احتجش لبطارياتهم ابدا و هأبقى انا على سطح الكوكب عشان افكر  الباقيين انه كان على هذا الكوكب بشر كانوا يعبدون الواحد القهار .. لا اله الا الله وحده لا شريك له .

 ” شدوا حيلكم يا اولاد الوقت بيجرى و مصير الكوكب و الجنس البشرى كله بين ايديكم .”

و يحتدم الصراع  الخفى بين الجانبين من جهة و بينهما و الوقت من جهة اخرى ويظهر حسن و جمال و الجد فى بيت من بيوتهم يتحدثون بمنتهى الصرامة و الجدية و القلق

حسن مخاطبا الجد : احنا لينا تجربة سابقة فى التشويش على اجهزة التنصت اللى كانت بتتجسس على تليفوناتنا و هانحاول فى اليومين الجايين تطوير موجات التشويش و تركيزها بحيث تعمل تشويش على الشرائح الموضوعة تحت الجلد فى نطاق يبدء اولا من كيلو متر مربع واحد و بعدين نحاول توسيع دائرة موجات التشويش و جعلها 5 كيلو متر مربع ثم نصنع اكثر من 4 اجهزة نقدر ننشرهم بشكل سرى فى الكاميونات بتاعتنا بس الكلام ده لازم يتم باسرع وقت ممكن ماعندناش وقت .

جمال : انا جاهز و عندى كل اللى احنا عايزينه لتكبير موجة النشويش و لتصنيع الاجهزة الجديدة و يالا بينا على بيتى بسرعة … انا هاسبق و انت تعالى ورايا بس اذا لاقيت حد بيراقبك حاول تهرب منه و ما تخليهوش يعرف انك جاى عندى.

حسن : انا عندى فكرة عبقرية ، جه الوقت اللى استعين فيه باخويا التوأم ( جميل ) و نخليهم يراقبوه ليل و نهار على انه انا و انا اتحرك بحرية اليومين دول. يقوم حسن بالاتصال بأخيه ليأتى الى منزله و يدخل من الباب الخلفى لحديقة المنزل و يقوم (جميل ) بعد ذلك بتعمد الخروج امام مراقبين حسن  من شرطة الصفوة و يسير من مكان الى اخر دون تخطيط  و يظل هكذا الى ان يخرج ( حسن ) ذاهبا الى بيت (جمال ) و يبدأ الصديقين عملهما و يدور بينهما هذا الحوار

حسن مخاطبا جمال : خلى بالك ان حل التشويش ده حل مؤقت عشان حتى اذا قدروا يصلحوا اجهزة اتصالاتهم بالشرائح نكون احنا جاهزين للتشويش عليها و نبوظ تخطيطهم عشان ما يعيدوش السيطرة علينا مرة تانية

جمال     : طبعا انا معاك ان المفروض ان احنا نحاول نلاقى حل جذرى لتعطيل او تدمير او ازالة الشرائح نفسها من اجسامنا عشان نبقى احرار و خارج سيطرة و عبودية الفوقيين بس ده ممكن يحصل ازاى ؟!

حسن    : خلينا نفكر شوية و اكيد هانلاقى حل

جمال    : اكتر حاجة تأثر على الشريحة دى شعاع الليزر و اذا قدرنا نجهز شعاع ليزر مناسب بحيث يقدر يخترق الانسجة  و يحرق الشريحة تحت الجلد .

حسن : بس ده ممكن يسبب الم للادميين  و اخشى ان تحدث وفيات

جمال  : ما تقلقش و بعدين الموت احرار احسن من عيشة العبودية، احنا ممكن نقوم بتخديرهم  بـ (الكلوروفورم ) ببخاخ على الانف يساعد فى اتمام العملية و الادمى مش هايحس باى الم .

حسن : بس ده هايسيب اثر زى الحرق مكان التطعيم و لو حد كشف مكان التطعيم هايعرف ان احنا حرقنا الشريحة و ده خطر على الادميين

جمال : انا معاك ان فى خطورة لكن ما عندناش خيارات تانية و بعدين ما تقلقش هانشوف حد يعمل عمليات تجميل بسيطة تخفى اثار العمليات

حسن : عموما هى مغامرة خطيرة و اعداد الناس كتيرة و الوقت ضيق و لازم نسبق الزمن

جمال : احنا هانبدء بنفسنا و اسرنا و اصحابنا و اصحابهم و اكيد هاندرب بعضهم و بعدين اللى ادربوا يدربوا ناس تانيين  و هكذا عشان نقدر نكسب الوقت حسن و جمال بعد الانتهاء من تجهيز شعاع الليزر و المخدر و اصبحا جاهزين للبدء فى العمل الشاق

جمال : خلى بالك ان كل دة نظريا المفروض انه تمام بس كان لازم نجربه على حيوانات تجارب قبل ما نبدء على الادميين حسن :  حيوانات تجارب منين .. دى محظور استخدامها و مجرم على الكوكب و مش موجود اصلا الا فى معامل الفوقيين جمال :  احنا نبدء بنفسنا و نجربها علينا انا و انت الاول و بعدين زوجاتنا و اولادنا و بالفعل يقوم حسن و جمال بتعطيل و حرق الشرائح المزروعة تحت جلدهم و زوجاتهم و اولادهم و اقاربهم و يدربون البعض و يمدوهم بالاجهزة و المخدر و تقوم مجموعات من الادميين بشكل سرى تماما فى حرق الخلايا المزروعة تحت جلد الاخريين و يستطيعون انجاز جزء كبير من المهمة و فى هذه الاثناء يساور الشك الفوقيين بان هناك اشياء تحدث فى الخفاء و يبدأ الفوقيون بمساعدة الصفوة بسرعة فى اتخاذ اجراءات مضادة  و يعيد التاريخ نفسه وتعلن اجهزة اعلام الفوقيون و المنظمة المسئولة عن صحة سكان الكوكب   عن ظهور كارثة صحية كبيرة و يشيعون ان موجة فظيعة جديدة من فيروس ظهرعلى الكوكب فى القرن الواحد و العشرون  كان اسمه ZERONA  قد عاود الظهور مرة اخرى واصاب العديد من سكان الكوكب و حدثت وفيات باعداد كبيرة جدا  فى خلال الاربع و العشرين ساعة الماضية و تظهر قنواتهم جثث الموتى من جراء الاصابة تملئ الشوارع  و المستشفيات مكتظه بادميين يتالمون  يحتضرون على الاسرة و فى حالة سيئة للغاية .ومن خلال البث التليفزيونى المباشر ، تعلن حالة الطوارئ و يتم حظر كامل للتجول  فى كل انحاء الكوكب الا لمن تصرح لهم السلطات بذلك مع التشديد على ارتداء الاقنعة الواقية و تعلن السلطات ان من يخرق حظر التجول سوف يتم اطلاق النار عليه و قتله فورا و سوف يتم ايضا قتل المصابين المؤكدة اصابتهم بالفيروس و قتل من يتستر على وجود اى حالات اصابة فى بيته و سوف يتم الاعلان عن اماكن و مواعيد التطعيم ضد الفيروس حال توافره لدى السلطات و من يمتنع عن التطعيم فسوف يتم طرده خارج الكوكب لمخالفة التعليمات و لخطورته على سكان الكوكب .وكان من الواضح ان اتخاذ مثل هذه الاجرءات ما هو الا وسيلة لكسب الوقت لصناعة شرائح جديدة لاستبدالها بالشرائح القديمة التى تعطلت او تم تعطيلها و سيتم ذلك اثناء عمليات التطعيم المزعومة بعد ان يتم الاعلان عن توافر التطعيم تزامنا مع توافر الشرائح الجديده ليتم زرع الشرائح اثناء عملية التطعيم المزعومة كما حدث قديما و لم يعرف الفوقيين ان هذا بالظبط ما كان ينتظره الصديقان حسن و جمال و اعوانهم لتدمير اكبر عدد ممكن من الشرائح قبل ان يتم صناعة شرائح جديدة و قبل بدء عملية التطعيم المزعومة الجديدة و اصبحت المسألة مسألة وقت حتى يتم حسم هذا الصراع بين الطرفين لصالح احدهم دون الاخر .

                            == تمت بحمد الله ==

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق